قصة حلوة

رجع ليو تانى يكمل ال بيعمله ف استوديو التسجيل ...!!!
رجعت ريم البيت اتفاجئت بوجود امير ..
رنا: مفاجئه
ريم: امير
امير با ابتسامه: ايه رائيك وحشتونى جيت اشوفكم
رنا: ال يسمع كده يقول هتقعد معانا يومين مش مسافر بكره بليل
ريم: حمد الله ع سلامتك
امير بيضحك: وحشونى وعاوزه اشوفكم
رنا: روما ..امير جبلك هدايا حلوه اوى ف اوضتك
ريم بصت ل امير : هنا كمان هدايا
امير: اى مكان تروحيه يا روما ..مبقدرش امسك نفسى لما بشوف حاجه بشوفها انها ليكى بشتريها ع طول
ريم باابتسامه: ميرسى لذوقك بجد ..بس كده كتير وبعدين انا راجعه قريب لندن كنت احتفظ بيهم لغايه ما اجى
امير: مش مهم المهم انهم وصلولك
ريم زهقت من تصرفات امير و تلميحاته ال مبتخلصش ودخلت غيرت هدومها
قعدوا شويا .. وفريد رجع من بره وقعدوا يتعشوا سوا
فريد: بعد غياب الفتره دى من وقت ما جينا هنا مجتش ومقضيها تليفونات
ياريت ريم كانت جت من زمان كنا نشوفك
امير بيضحك: يا حضره الدبلوماسى فين دبلوماسيتك ف الكلام مش الهجوم كده
فريد بيضحك: مش دا اسلوبك فى الحياه هاجم ومتصبرش
امير بيبص ل ريم: مطلعش ينفع مع كل حاجات ف حاجات محتاجه وقت
رجع بص ل فريد: انا عارف انك زعلان منى يا فريد ومقصر معاكم بس فعلا مشغول الشركه والمسئوليات ال عليا ..دى فلوسنا
وانتوا سايبنها امانه عندى مينفعش استهتر بيها واول ما جت فرصه يوم اجازه قلت استغلها واجى اشوفكم
فريد: بيزنس ..بيزنس ..بيزنس ارحم نفسك عمرك هيضيع ف البيزنس
امير : الحياه ايه غير كفاح ومستقبل .. عاصم بيه مهدلنا الطريق وانا همهد الطريق ل اولادنا ولا ايه يا ريم
ريم حست بتلميح امير :ها.. ان شاء الله
ودخلت نامت ريم وامير افتكر انه كده بيحاصر ريم علشان تستسلم ليه ...
سهروا كلهم اليوم دا وقضى معاهم اليوم كله وتانى يوم سافر بليل ع لندن .. قعدت ريم يومين مبتنزلش الصبح زى مكانت متعودة...و فى
يوم ريم نزلت مع مريم ورنا يتمشوا ف الصبح .. وكانت ناسيه خالص موضوع الصدف وكلام ليو كله وهى بتتمشى مع مريم
ورنا وفى ودانها الهاند فرى بتسمع الاغانى وهما ماشين شافت شاب لابس جاكت ونظاره..نزل وطى قدامهم
بخطوتين يربط الشوز وبص ل ريم وعرفته انه لوهان وعملها بصوابعه رقم 1 اتفاجئت ريم بالحركه وبعد ما ربط الشوز جرى
يكمل رياضته .... افتكرت ريم وعقبال ما جمعت كان مشى واختفى ...!!!
مر اسبوع ريم مردتش تنزل من البيت حست انه بينزل ف ميعاد علشان عارف انها بتكون موجوده فقررت متنزلش لغايه ما يفقد
الامل واللعبه الصدف تخلص بقت فعلا تنزل فى وقت تانى ومش بتشوف لوهان .. فى مره وهى ماشيه مع مريم رايحين
المطعم عند مامتها وباباها وهى قاعده معاهم وسط اصحاب مريم وبيتكلم منهم العربى والاجنبى 
وبتبص عادى حواليها شافت ليو قاعد ع ترابيزه وقال وعملها بصوابعه رقم 2 وقام خرج .. الموضوع كله اصلا ضايق ريم
وجت تقوم تخرج تلحقه قبل ما يخرج مش لحقته واتخنقت من تصرفاته...!!!
مريم: فى ايه يا ريرى
ريم: كنت بشبه على حد اعرفه ومش لاقيته
مريم بتضحك : هههههههههههههه طب تعالى
راحت قعدت ريم شويا ومريم كانت واقفه مع شاب وشويا ندت ع ريم
ريم راحت ناحيتهم .. مريم ابتدت تتكلم بالانجليش
مريم: اعرفكم ببعض .. روما
اجدد صديقه وجارتى .. اعرفك يا روما دا ادمز حبيببى
ريم : هاى
ادمز :هاى .. مريم حكتلى كتير عنك الفتره الاخيره
وفضولى حبيت اتعرف عليكى
ريم باابتسامه قصرت التعارف : وانا كمان فرصه سعيده ..
مريم انا رايحه اقعد
مشيت ريم وراحت قعدت وسابت مريم مع ادمز واقفين وشويا سلم ع باباها ومشى و مريم رجعت قعدت ..
ريم: مريم هو باباكى ومامتك متقبلين فكره ارتباطك كده
يعنى من غير ارتباط رسمى خطوبه كده يعنى
مريم: انا بابا وماما سيبهلى حريه اختيار شريك حياتى زى ماهما كانوا حرين واختاروا بعض ..وانا قبل ادمز ارتبطت كذا مره
بس الفرق حبيت ادمز حقيقى وكل دا واهلى عرفين وقدامهم يعنى مش بعمل حاجه غلط ..الغلط لو مخبيه ..وادمز عاجبه جدا
علاقتى بااهلى وعلاقتهم بيه كويسه جدا
احنا عايشن دلواقتى وسايبن بكره لبكره لما ربنا يشاء بخطوه خطوبه هتحصل ..
ريم: اصل باباكى مصرى واستغربت
مريم بتضحك: لالالا بابا يعتبر صاحبى هو مدينى ثقته وانا محافظه عليها ولما بحتاجه بلاقيه ..شخصيتى ال انتى شيفاها دى
هو ال ساعدنى اكون كده ومحبوبه من الكل وصاحبه قرارى لانى عارفه انى لو غلطت هيقومنى مش هيعاقبنى ..انا بسمع عن
ابهات تانيه بيعاملوا ولادهم معامله سيئه جدااا مش مصريين بالعكس هنا كمان اجانب ..انا بشكر ربنا ع هديته ماما
وبابا وادمز واكيد انتى يا روما
ريم حست بوجع من كلام مريم ووصفها لعلاقه باباها معاها بتسمع كلام عمرها ما حسته وحساه غريب عنها : فعلا فى ابهات من
النوع التانى واولادهم بيعانوا باقى عمرهم
مريم لاحظت ملامح وش ريم اتغيرت : روما ..هو انتى محبتيش قبل كده قولى قولى متخبيش
ريم بتضحك : لا ابدا
مريم: اومال مين امير ال انا شفته عندكم ورنا حكتلى عنه و عنك كتير وهى بصراحه نمت معايا شويا قالتلى انه بيحبك وعاوز
يتجوزك
وانتى رفضتيه وهو مستنيكى .. حد يلاقى حد كده امسكى فيه كويس
ريم باابتسامه : علاقتى ب امير مجرد انه فرد من العيله مش بشوفه غير كده ..وفكره الجواز مستبعده سواء ل امير
او غيره حاليا
مريم مستغربه : ف بنت مش تحب انها تتحب وحاجات الحلوه دى
ريم بتضحك: انا .. ويلا بقى علشان هتاخر ع رنا وعاوزه اكلم رامى قبل ما ينام
مريم : يلا بينا
قعدت فتره اسبوع منزلتش تمشيه الصبح بسبب انها تعبت جالها دور برد ففضلت ف البيت فى يوم صممت مريم انها تنزل معاها
كنقاهه من جو البيت ونزلت ريم .. سابت ريم مريم و راحت تتمشى شويا و هى بتبص ع الشجر و الورود اللى حوليها و قعدت ع كرسى و شغلت الهيد فونز
ف ودانها لاقت ف واحد قعد جنبها مهتمتش غير لما حرك ايده قدامها بصت لاقته ليو
شالت سماعات من ودانها وابتدى الحوار بينهم بالانجليش
ريم متفاجئه : انت
ليو: .. كده بقت 3 والاتفاق تم .. اصدقاء
ريم متفاجئه: انت بتتكلم ع ايه
ليو: ع اتفاقنا اتفاق الصداقه مرت 3 صدف اهو
ريم اضايقت من الحركه دى وبتحاول تتمالك نفسها : اسفه
ليو: ايه هو
ريم: الصداقه ال بتحكى عليها ..مش موافقه عليها
ليو :بااستغراب : ليه ..ليه الاعتراض مش فاهم ؟
ريم بتتمالك نفسها لكن بتتكلم بحديه شويا : انا مش عاوزه صداقتك وبشكرك جداا انك حافظت ع سلسلتى ورجعتهالى
والحاجه ال اخدتها منك عرفنى ايه ايه وارجعهالك مش هتقول اوكيه دى حاجه ترجعك
ليو بيضحك: انتى واضح فهتى غلط ..انا بطلب صداقه مش حب مش بعاكسك انا
ريم قامت وقفت: انا ماشيه
ليو جه يمسك دراعها راحت زقته: ايه ال بتعمله دا
ليو اتفاجئ : مالك مضايقه ليه ؟
ريم انفجرت وبعصبيه : انا مش بحب اتغصب ع حاجه ..صداقه انا مش بعمل صداقه مع حد معرفوش...انت عرضت وانا رفضت
يبقى خلاص .. بلاش احساس انى متراقبه دا بيضايقنى وياريت ياريت منتقابلش تانى لو صدفه اتجنبها ..باى
ليو واقف متفاجئ من طريقتها ال اتحولت وعصبيتها وفضل واقف لغايه ما اختفت من قدامه وهو حاسس انه مغلطش ف
حاجه يخليها تتكلم بالاسلوب دا وبالطريقه دى ....!!
روحت ريم وهى مضايقه من ال عملته وانها اتعصبت كده ومتكلمتش بهدوء
دخلت اوضتها ومردتش ع رنا لما كلمتها ونامت ع السرير وسماعات فودنها
رنا دخلتلها الاوضه: ريم
ريم مش سامعاها قربت منها رنا خبطت ع كتفها اتفزعت : رنا
رنا: مالك فى ايه
ريم: رنا انا عاوزه ارجع لندن
رنا: ف حاجه زعلتك ف حد ضايقك عرفينى
ريم: لا مفيش بس انا زهقت وعاوزه ارجع ممكن
رنا حست بان ريم مخنوقه : اوكيه .. هقول ل فريد يحجزلك قريب
ريم: ياريت
خرجت رنا ومش فاهمه وريم مضايقه اتصلت ع غاده لاقت موابيلها مقفول فقررت متكلمهاش غير لما ترجع لندن افضل من
كلام التليفون ....!!
ليو مستغرب وروح البيت يغير هدومه واخد دش ونزل راح الشركه ورجع البيت واتصلت بيه ميا عشان تتعشى معاه
حجزت مكان ومستنياه غير هدومه وراحلها وهو قاعد سرحان ومش بيتكلم ميا لاحظت : .فى حاجه
ليو: ها
ميا: انت كويس
ليو :لو شخص طلب صداقتك هتوافقى ولا هتتضايقى
ميا: لو انسان كويس ويستحق صداقتى مفيش مشاكل
لكن يكون عارف انها صداقه علشان انا هتعامل معاه ع مبدئها
ليو: يعنى عادى مش هتضايقى ولا هترفضى
ميا :بالذوق ..اسلوب مؤدب..هفهمه انه مينفعش والموضوع يخلص
ليو: يعنى مش هتتعصبى ولا تضايقى
ميا بتضحك: هضايق ليه هو هيقولى بحبك دا عرض صداقه يا قبول يا رفض هضايق ليه انا.. بس ليه بتسئل ها قولى ها ؟
ليو مسك الجاكت بتاعه : انا ماشى عندى تصوير الصبح
يومى شافته ماشى : ليو استنى ..
ليو مسمعهاش ومشى رجع ع البيت ومش قادر يفضل ميفكرش ف ال حصل ....تانى يوم حضر جلسه تصوير اعلان وبعدها راح
عند صاحبه (جون) ف البيت .. وهما قاعدين لاحظ جون ان ليو متغير وسرحان
جون: ليو فينك ؟
ليو بص ل جون: انا كنت اوفر صح
جون مستغرب بص ع الكاس ف ايده : اوفر .. دا اول كاس
ليو: لا اوفر واوفر اوى كمان
جون لاحظ ليو اتعصب: اوكيه اوكيه اهدى اوفر فعلا كده
ليو: لكن دا مش سبب يخليها تتعصب عليا كده
كان بهدوء ترفض مش صوتها يعلى وتتعصب وتسيبنى واقف وتمشى ومتسمعنيش
جون بص ل ليو: ليو ..مين دى
ليو :ريم
جون: صاحبه السلسله
ليو: ايوه .. عرضت عليها نكون اصدقاء لاقتها اتعصبت واتنرفزت ومعرفش ليه
جون: ممكن يكون اسلوبك ضايقها
ليو: هو نفس الاسلوب ال بتعامل فيه مع كل شحص جديد احب نكون اصحاب مغلطتش انا .. ومفيش حد عرفته لا شاب ولا
بنت اشتكو من اسلوبى
جون: اهدى يا برو .. موقف وعدى مجتش عليها
انت ليك اصحاب كتير يعنى
ليو بص ل جون وشرب : فعلا مجتش عليها عموما هى ال خسرت صديق مش هتلاقى زيه هنا
ليو شرب الكاس : انا هروح البيت انام
جون: طيب استنى علشان عاوزاك ف موضوع يخصك
و نكمل فالحلقة الجايا عايزا اشوف تفاعل